Literatur idazlanak
GRZ^
Azaroak 8
Joan Duns Eskoto Dohatsua
Frantziskotarron pozgarri,
Joan Duns Eskoto argi,
zugana gauzkazu adi,
santutasunaz jakintza
uztartu zenuen horri.
Frantziskoren seme leial
adimen zorrotzekoa,
Elizaren aldekoa,
haren defentsan zenuen
altxatu ahots sendoa. (1)
Goiko argiz argitua,
ur handiko iturria,
argi zenuen argitu
Andre Maria sortzetik
dugula guztiz garbia. (2)
Eukaristiaganako
zer maitasuna zurea,
dena zinen Kristorena,
dena zu Kristorena ta
Kristo zen zuretzat dena.
Giza ta Jainko zientzi
guztietan distiratsu,
artizar eder zara zu,
hain zara jakintsu handi
eta_hain zara birtutetsu.
Ebanjelioa lantzen
ta Erregela betetzen
fin zatzaizkigu agertzen,
zein jokabide ederra
diguzun apalki jartzen.
Aintza santuen Jaunari,
aintza Santua denari,
aintza mendez Jainkoari,
Aitari, Semeari ta
Espiritu Santuari.
Amen.
