Literatur idazlanak
GRZ^
Urriak 4
Asisko San Frantzisko
I
Aita Frantzisko, zeugana
gaude kantari jarriak,
bistan dituzun zauriok
zein diren miresgarriak
Gurutziltzatuak zuri
maitasunez ezarriak.
Erromes beti munduan
gauzen kateetatik aske,
ez bidezorro, ez diru,
pobreza_harturik emazte,
bideetan bakea eta
ongia duzu albiste.
Ez zaitugu arma zale,
bai gizon guztiz mantsoa,
anaia txikarra zara,
behartsuenen auzoa,
olibo gozoenaren
kima dakarren usoa. (1)
Penitentzian alaia,
urrikalmendu suharrez,
"Amor non amatur" hura
zenion oihuz, negarrez,
Gurutzetuaz jendea
ohartarazi beharrez.
Eskerrak zuri, Frantzisko,
Kristoren antz horregatik;
hitzez, izkribuz, ejenpluz
eman diguzunagatik;
eta, Jaun Gorengoari
damaiozun aintzagatik.
Amen.
Gaia 1: Gorazarrea
Edizio kritikoa: Paulo Agirrebaltzategi
