Literatur idazlanak
GRZ^
Irailak 17
San Frantziskoren zauriak
III
Penitentziak ahulduta
gorputz txiki ta fin hura,
gaixo ta makal dago Frantzisko,
su ta gar erreaz doan
ilentiaren modura.
Kristoren maitasunean
izioturik Frantzisko,
gaitzak gaitz arren, zoriontsu da,
gurutzean josiaren
imitatzaile guztizko.
Begiak samin zorrotzez,
gaizki ta minkor urdaila,
pozik halere, hain maite duen
iltzatu maitez hilaren
antz-irudiaren bila.
Maitasunean zer poza,
zer mina maitasunean,
poz eta minez alai Frantzisko,
maitasunaren maitezko
zaurien zoramenean.
Zeuri gagozkizu, Aita,
Kristoren lagun min horri,
maite gaituen gurutzetua
zeuk bezala maitatzera,
iguzu, gaiten etorri.
Aintza Aitari ta Seme
Aitaren irudiari,
aintza, Biengandiko maitasun
Espiritu poz emaile
suzko mingain argiari.
Amen.
