Literatur idazlanak
GRZ^
Irailak 17
San Frantziskoren zauriak
I
Aita Frantzisko, bazoaz
maitasunaren ondoren,
bazoaz Kristo Jesusen
hurbiltasuna bilatuz,
antza hartu nahi diozu
diozun amorearren. (1)
Bidez zoazkio bila,
Haren pausoak jarraituz,
Haren erara jokatuz,
Ebanjelioa betez, (2)
Elizari adi ta zuhur,
bazoaz Kristoganatuz.
Bidean zehar bizitza
eskainiz inoren alde,
neke gabeko maitale,
Jesus da zure guztia,
Harekin duzu gustua
ta Hark atziturik zaude. (3)
Lehiatsu Jesus da zure
soinean jantzi nahi duzun
ondasun denen ondasun
asebete guztizkoa,
eta horra non La Vernan [I]
Kristo jantzi eman zaizun. (4)
Jantzi zaitu bost zauriez,
jantzi zaitu maiteminez,
jantzi pozez eta minez,
oi, Frantzisko La Vernako,
zeu zara oraindik, baina
guztia zaude Jesusez.
Aintza Aitari eta Seme
Aitaren maitasunari,
aintza Espirituari,
aintzazko aintza betean;
aintza Frantzisko Kristoren
antzez jantzi zuenari.
Amen.
