Literatur idazlanak
GRZ^
Ekainak 13
San Antonio
II
San Antonio Paduakoa,
gugana zaude zeruan.
Guztitariko jendea gara
zuri begira munduan.
Gure premiak, larrialdiak
denak dituzu kontuan.
Ospea eta eskerrak eman
nahi dizkizugu kantuan.
San Frantziskoren begiko seme,
beraren [haren] isla nabari,
erlijioso-bizibidean
umotutako opari,
santutasunaz, jakinduriaz
ageri zara dirdari,
debozioan maisu argia,
otoitz-bizitzan gidari. (1)
Jainko gizona eta_Haren Ama
buru-bihotzen pultsuan
sakontasunez murgildu zinen
onbide_esparru urtsuan.
Berri onaren apostolutzan
modu prestu kementsuan
lanez zenuen bizitza xahutu
Elizaren zerbitzuan.
Aintzaz edertu zaitu Jainkoak
bere aintzaz jantzi zaitu.
Zure irudi frantziskotarrak
sendo erakartzen gaitu.
Zuri begira buru-bihotzak
nahi genituzke argitu.
Zeuk egindako bide berean
jator gaitezen aritu.
Aintza zeru ta lurren Egile (2)
Aita guztiahaldunari
ta Jesu Kristo Aitaren Seme
hil eta berpiztuari,
aintza Aitaren ta Semearen
Espiritu gurenari,
santugarri den dohain ta fruitu
ororen jatorriari.
Amen.
