Literatur idazlanak
GRZ^
Maiatzak 17
San Paskual
II
Paskual santu,
San Frantziskoren
seme zintzo dohatsua,
gaztetxotatik
landu zenuen
otoitz-giro lehiatsua.
Zure otoitza,
otoitz bakuna,
otoitz gardena zurea;
hain zinen xalo (1)
Jaunarekiko,
hain zinen tolesgabea.
Bi ziren zure
maitasunaren
helburu eder argiak:
Birjina_Ama ta
Eukaristia
ziren zure bi begiak.
Andre Maria
zenuen maite,
hura zenuen ispilu;
hura zenuen
ispilu eta
bera zenuen kriseilu.
Eukaristia
zenuen maite
Kristo ogi-ardokoa:
Kristo hurbila,
Kristo jakia,
Kristo gure artekoa. (2)
Eukaristia (3)
maite dugunon
santu zaindari onbera,
bultza gaitzazu
aldareko Jaun
guztiz santua gurtzera.
Aitari aintza
ta Semeari
ta_Espiritu Santuari,
Eukaristian
eskaintzen zaigun
Hirutasun Jainkoari.
Amen.
