Literatur idazlanak
GRZ^
Jesusen izen santua
Irakurgaien ordua
("Ikusia dut zeru berria" bezala, OLD, 463 or.)
Izadiaren egunsentian
kreatuz hainbat sorkari,
izena eta eginkizuna
zien Jainkoak ezarri.
Belengo haurra jaio zenean
munduaren salbagarri, (1)
Jaunak agindu bezala Jesus
zioten izena jarri.
Jesus izen santua
izen guztien artean.
Jesus izena gure kantua,
salbamenaren pozean.
Jesus izena dugu erospen,
Jesus izena pozgarri,
Berri onaren bilduma dugu,
garai berrien aldarri.
Jaunak egin du Jesus izena
izen santu laudagarri,
izen guztien gaineko izen,
izen goren agurgarri. (2)
Jesus izena izen santua
izen guztien artean.
Jesus izena gure kantua
salbamenaren pozean.
Kristo Jesus du denen gainetik
Jainkoak ospez goratu,
ospez goratu eta izenik
den bikainenez aupatu.
O Jesus eta o Jesus izen (3)
gurgarri eta sakratu,
belaun ta mihi orok zaitzate
handietsi ta ospatu.
Jesus izena izen santua
izen guztien artean.
Jesus izena gure kantua
salbamenaren pozean.
