Literatur idazlanak
AOB^
Gure Jaungoiko (1)
bizikizuna,
hauxe da gure
ardura.
Erantzun bila
nahi ta ez sartu
beharra dugu
barrura.
Lehenengo,
nor da gure Jainkoa,
eta zein haren
antz hura?
Epaile gogor
ala Aita da
lasaipen ala herstura?
Gauza bai gara
lardaskatzeko
Jainko beraren
itxura.
Libertadore
ote dut fedez
aitortzen dudan
Jainkoa?
Nire Jainkoak
ni ezik maite
ote du nire urkoa?
Kontserbadore
ote dut ala
sorkuntza zale
beroa?
Biltzaile
ote dut Jauna
eta batasun ardatz
gozoa?
Idazu, Jauna,
mundu guztia
besarkatzeko gogoa. [I]
Edizio kritikoa: Paulo Agirrebaltzategi
