Literatur idazlanak
AOB^
Oharra: [I]
Eskandaluzko artikulu bat bezela ekarri zidaten, osoko gezur bat balitz bezela. Eskandalu izugarri horren bila joan nintzan nunbait eta horregatik-edo, ez nuan horrenbesteko arkitu.
Gaztaņaga-ren aldeko arrazoiak ba nituela esan nuen, baina etzidaten kontrakoak ere ba nituala esateko astirik [eman?]. (1)
___________
Artikulu horren izenburua nabarmenkeria bat iruditzen zait, ahozabalkeria bat.
Gaztaņaga-k gehiegi dio lehenengo puntua Arantzazu-ren eta Herriaren arteko har-emanak "oso aldaturik" daudela dionean.
Bigarren puntua ba liteke zeharo egiazkoa izatea.
Hirugarren puntuan ere egia asko dagola derizkiot. 4, 5, 6-garren kursoei egin al zaie euskeraz elizkizunik? Hontan ba ditut behintzat aipatu nituan Gaztaņaga-ren aldeko argumentuak.
Hirugarren puntu hontan, erakusten zaien euskerataz diona, asko gutxituta dago. "Puxka bat" baino gehiago erakusten zaiela uste dut.
Puntu hontan bertan "batasunaz eta maitasunaz" ari den hortaz ez ote daukagu gere errurik? Ez ote gera "hizkuntzak banatu egiten dutela" teoria hortakoak? Batasuna ta maitasuna hizkuntzen gainetik dago berriz. (Hizkuntzez kanpo esan nahi dut). Batasun eta maitasun hori beste zerbait sakonagoan korapilotuko bagenu, gauza ba-ginake korapilatzeko, hizkuntzen hori, zeruko musika bihurtuko litzake. Gure pedagoji-palta ez ote degu estali nahi, hizkuntzei ez dituzten erruak boteaz?
Laugarren puntuaz berriz ez dakit zer esan, ez baidut hainbesteko gezur-itxurako ere arkitzen.
Bostgarren puntuan berriz, gertatu da eta gerta diteke, euskaldunok euskal herriko konbentuetara nahiko des-euskaldunduta joatea. Zenbathainako [sic] euskera egiteko erreztasunez bukatzen dugu karrera? "Ideak bai" baina idea hoiek ezin azaldu izaten omen dituzte zenbaitek.
Bostgarren puntu hontan bertan euskalzaleetazko galdera horrek sortu nahi luken susmo beltza, beltzegi dago. Hemen ez bait da gertatu euskalzaleen "garbiketarik".
Ez dut asmatzen harek dion euskal eta herri aldetiko Arantzazu-ren mozkeri girorik, horrenbestean behintzat.
"Harrizko lan handiak-eta" baino zerbait gehiago ta asko gehiago du berriz Arantzazu-k. Hontan okerkeri osoz dabil Gaztaņaga.v
Seigarren atalean ere begiak itxita ikusi nahi du Arantzazu-ko errealitatea, Jaunari eskerrak, oraindik nahiko ederra.
Arantzazu ez da berriz Montserrat Kataluņa-n dena, ta ezin diteke izan ere, Euskalherria "tribu" talde bat besterik ez danez.
Arantzazu aldizkariaz ez naiz sartuko, haren alde laguntza eskatzeko ez bada, nahiz euskeraz nahiz erderaz.
Azkenengo galderak pentsatzen jartzea ongarri litzaikigula [sic] iruditzen zait. Beti da ongarri norbere situazioa ikusmiratzea, batez ere inoren ahoetan dabilenean-eta.
Arantzazu berriz Arantzazu da, Gaztaņaga-ren ezetza gorabehera.
_____________
Bukatzeko: artikulu hau eskandaluzkoa izatea, baliteke. Baina egiak ere eskandalu dira batzuentzat, eta horregatik esan nuen entzun zenutena.
