Literatur idazlanak
GDA^
Dirdir zer ikusi,
hartara goazi
milaka anuntzio
jaso eta irentsi:
Eltxoak garretan
kiskali ta jausi,
gutiziak ohi du
zentzu ona hautsi.
Publizitate-mordoz
nahastuta gaude egon:
milioi anuntzio
noiznahika edonon.
Erosi, kontsumitu,
gastatu, hor konpon;
gaixuok zoro gabiltz
dindon, dringilindron.
Gauzetan uste dugu
nahi dugun zorion:
honen-horren ondoren
gabiltz aspaldion.
Erosi, kontsumitu,
gastatu, hor konpon;
gaixuok zoro gabiltz
dindon, dringilindron.
Lorkizuna ona da
lortua ez da on,
halere baliteke
gustoren bat inon:
Erosi, kontsumitu,
gastatu, hor konpon;
gaixuok zoro gabiltz
dindon, dringilindron.
Belenen gauza askorik [asko]
ez zegoen egon,
baina han gertatu zen
benetako Gabon.
Hauxe dut anuntzio, (1)
hauxe dut berri on:
pobrezan azaldu zen
Belenen zorion.
1985
