Literatur idazlanak
GDA^
Zorion, zorion, zorion,
zorion dantzugu edonon;
zorion diogu Gabonez, (1)
zorion-agurtuz edonor.
Xaboizko punpuilen egia (2)
Gabongo agurren erdia:
Haizezko mamia barruko,
kanpoko enbustekeria.
Oi Gabon, oi Gabon-zorion,
ohitura besterik ez da hor,
txepela, epela, memela*,
gabongo agurra hitz-oskol.
Xaboizko...
Aurretik [Aurrezka] milaka zorion,
atzetik [atzezka] nork egin jaramon? (3)
"Hoa bai, heuk ikus, hor konpon!"
Ordea agurra nengion.
Xaboizko...
Hain hutsal, hain geza, hain
gogor [agor],
Gabongo agurrak putz-borbor;
lapiko tentelak* eltzagor*,
hitzontzi arinak atanbor*.
Xaboizko...
Oi Gabon, oi Gabon-zorion
agurrak faltsia zerion.
Oi zori, oi txori-zorion
axola ez eta hitzak on!
Xaboizko...
Edizio kritikoa: Paulo Agirrebaltzategi
