Literatur idazlanak
Ik. Olerkiaren konposizio grafikoa .pdf formatuan
GDA^
Gabon,
izarra bezain [bezin] argia.
Gabon,
izarra bezain urruti-
egia.
Gabon,
izarlariek aspaldi
jakin erazi ziguten
betiko argiaren
bideratze argia,
urrutiko izarra bezala
dator
Gabonez Gabon,
izarra bezain ederra,
1971-garrengo gizonon
Gabonetara,
Jainkozko itsaso argi
egia
eder
argizko, egiazko, ederrezkoaren
olatu berri,
mila bederatzi ehun
hiru hogei eta hamaika bider
argiago, egiago, ederrago,
Jainkozkoago,
gizonenago,
Gabonago,
onago,
honantzago,
lurrerago,
lurraren bazterretarago,
izarren errainua,
egiaren mandatua,
Jainkoaren erreinua
Gabonaren ingurua,
1971-garren olatuan
1971-garrengo gizonon
Gabonetara dator
etorri,
etortzen,
etortzeko,
etortzetik
etortzerako
etorrian,
etortzearen
etortzean,
ortzean,
izar bat bezain argia,
izar bat bezain urruti-
egia,
urrutiko izar bat bezala,
izar bat bezain ederra.
