Literatur idazlanak
GDA^
Ei, agur dezagun
Gabon-Pazkoa
gertakari gozo
alai askoa:
Salbazioa
eskura dezagun,
geuretariko egin
zaigu Jainkoa.
Abendua ta Gabona
behin ta berriz ospatzera,
holaxe gatoz:
Kanta dezagun
Haur Jesusen etorrera.
Jainkoaren Seme bera,
Andre Mariaren bidez,
gizon egin da,
gizonen alde
handiak egin beharrez.
Jende mehearen amorez
pobreza du aukeratu
bizimodutzat;
pobreza dizu
sehaska eta teilatu.
Premiadun, marjinatu,
ezinduekin bizi da;
haien artean
esperantzaren
poza bizkortzen ari da.
Gizadiari begira
Aita bat bera daukagu,
anaia gara
ta beraz batak
bestea maite dezagun [behar du].(1)
Jesusek hola dihardu
Belendik Kalbariora:
Berri onaren
mezu argia
aldarrikatuz gustora.
Izar-argitan jaio da,
eguzki-sentian piztu.
Behin sortutako
Eguberriak
argi-estaltzerik ez du.
1985
