Literatur idazlanak
GDA^
Gabon-Eguberri,
haurtxo bat ganbelan,
estalpeko itzal
ilun eta argian.
Nola ikusi ahal
jaio den haurtxoa,
haurtzaroko begi
haiek gabe, nola?
Haurtxoen arima
xaloa opa dut
dena begi zabal,
dena begi handi.
Haurtxoak bezala
nahi dut apal jarri
askaren aurrean
sinesmen errazez.
Haurtxoak bezala
egon nahi dut adi
ganbelako haurtxo
haurrari begira.
Haurtxoen halako
begiz bait daiteke
bakarrik haur horren
tamaina ikusi.
1982
Gaia 1: Gabonak
Edizio kritikoa: Paulo Agirrebaltzategi
