Literatur idazlanak
L1G^
Batzuk jesta egile, [I]
bestetzuk kronista,
Kondairarentzat zerbait
nahi nuke konkista.
Berri zehatzik ez dut,
juxtu zenbait pista,
Rituala hartu dut
ez naiten despista.
Aste Santuko zenbait
berri ditut entzun,
iturriak tamalez
argi baino ilun.
Azurmendiz naiz mintzo,
Joxez da ezagun,
harexen pasadizoz
gura neuke ihardun.
Festak eta oporrak
aitzakia bide,
dzunba joan omen zen
konbentutik aide.
Alemanian zela,
Italian ere,
Cuencan ikusi zuen
norbaitek halere.
Larunbat Santu eta
Pazkoa bezpera,
Cuencako Katedrala
fede ta jaiera;
misterio giroa,
jende bihotzbera,
ortodoxia zaleek
han dute bilera. [II]
Pauso neurtuaz eta
manera debotoz
apaiz bai kanonigo
sail bi luze datoz;
korteju ederraren
mugan Guerra Campos,
rito eta rubrikak
salbaturik dagoz.
Uraren ta suaren
ospakuntza jaia, [III]
Kleroa uztai gisa.
erdian Artzaia.
Sua piztu denean,
nork sinestu ia,
horra non den agertu
Joxeren bisaia.
Herexe samar zela
entzunik bai neukan,
heterodoxo horrek
zer ote zuen han?
Urak nabar dijoaz
uholdez uerkan,
kezketan nabil Joxe
ikusiz Cuencan.
Gauzari nagokio
irauli, aztertu,
konbertsioko beste
festaren bat gertu?
Saulorena ospatzen [IV]
ez al gara lehertu?
Arren, ez gaitzatela
errezuz aspertu.
Gertakizunak badu
mirari tankera,
Guerra Campos ta Joxe
bitzuok batera!
Zerk bildu ote ditu
elkarren aldera?
Damasco versus Cuenca?
Hor dago galdera.
Bakoitzak berak daki
gogoaren hotsa.
inorenean ez dut
sartu nahi kokotsa;
baina gertatu dena
ez da kolpe motza.
Cuencatik iritsi zait
aurtengo mokotsa*.
Cuenca, Damasco eta
Zegama balitu,
mokotsak hiru mutu
bereizi baditu.
Triangulo barrua
Joxek du mamitu,
nik, ostera, hamaika
pusketan zatitu.
