Literatur idazlanak
L2G^
Egun argien buruan
festa ederra San Juan.
Gerezi eta makatzak
begiz jateko moduan.
Santuak beza loria
amaigabeko zeruan
eta guk erromeria
aire gozoen soinuan
jende yayoen korruan.
Jende yayoen korruan
ospa dezagun San Juan.
Bezperako su alaia
jagon dezagun barruan.
Santuak beza loria
amaigabeko zeruan
eta guk gainez sasoia
osasunaren tonuan,
goza gaitezen munduan.
Goza gaitezen munduan
bizitzaren estimuan;
gauzak bizi duten poza
ageri da inguruan.
Santuak beza loria
amaigabeko zeruan,
eta guk egun lasaiak
lurreko bizimoduan
lagunarte gozatsuan.
Edizio kritikoa: Paulo Agirrebaltzategi
