Literatur idazlanak
AAP^
Madrileko kalez
asfaltoa behetik
gora begira.
Autoak, jendea, dohazkio zapaltzaile
Errubera tartez,
jendearen hanka tartez gora
zerua zatika, uneka, ahal du
ozta ikusi
garbi ala zikin.
Behetik gora begira
asfaltoa
zeruaren aurrean
xoferren, oinezkoen
irudiak ikusten.
Lurrean luze asfaltoa
luze ta zutitzeko adore gabe
jendearen ardura
etzan eta zapalak txunditzeraino zapalduta.
Nahi nuke ikusi
erruberok bezala,
bernok bezala,
jendearen arduren irudia.
Zergatik zabiltzate zeharka,
zergatik zohazte horizontalki?
Zergatik ez zutik
bertikalean ibili gora
eta ez zeharretara?
Zergatik damaizute [sic] amor
lurraren erakar-indarrari?
Zergatik ez duzute nahi
pisutik ihes egin,
ta aideraren [sic] arinean lasaitu?
Edizio kritikoa: Paulo Agirrebaltzategi
