Literatur idazlanak
AAP^
Ez dut begiratzen zerura
ilargia ikustearren
ez dit ezertarako balio
ixpilu eder den arren.
Ez dut begiratzen zerura
Eguzkia ikustearren
jadanik ez dut bilatzen
esker ona diotan arren.
Ez dut begiratzen zerura
zerua ikustearren
gora begira etzan naiz
ta gora begira nago
begirik ez ixtearren.
Ikaragarria da
begiak ixtea
urruntasunarekin
lotura etetzea
norberarekin tanpez*
trikitx egitea
norbere txikitasun
eta ilunarekin.
Entzumenak ez dit
begiek aina lotura
gauzekiko ematen.
Urbilago geratzen da
haien edadura
ta nahasiagoa.
Gizonak begiak ditu
zabaltzen ta hiltzen da
begiak zabalik,
bilatuz gaur nik bezala
ikusten egotea
edozer ikusten
begirik ez ixtearren. (1)
Edizio kritikoa: Paulo Agirrebaltzategi
