Literatur idazlanak
UBM-1^
Gizona da: Hiria baino [I]
lehenagoko den gizona.
Begi larriak ditu,
jaio zenetik ditu
begi larri antsia handikoak.
Goiza islatzen zaio
goizetan gizonari
begi larrietan.
Gogo zahar batek darabil:
Barrurik barruenean bizi duen gogo zaharrak
larri arazten dizkio gizonari begiak.
Dagoeneko iritsi duena, aspergarri zaio gizonaren gogoari.
Hiria baino lehenagokoa da.
Zelai oraindik berrien garaikoa,
haizkorarik ez zen zuhaitzen garaikoa,
hibaiak garbi ziren garaikoa.
Elektra-argia pizten du goizetan eguna goizagotzeko.
Elektra-argia pizten du iluntzetan eguna luzarazteko.
Ibilguak ireki ditu lur barruz
arazo dituenei bizkorrago heltzeko.
Eginkizunak deitzen dio zoragarrikiro,
begiak hartan jartzen ditu bizienik.
Ez du hegorik, zeru goia burrunbaz zeharkatzen duten
abioi azkarrak lortzerainoko hegan-mina
mamurtu* duen gizonak.
Begiak ditu eta beti azkure berritzen ari zaion betiko gogoa.
Begiak nekatzerainoko larriz ahalegintzen da gizona
gogoaren egarri iturria ezin asaskatuz*
ihardunean.
Gizonak begietan asmatzen ditu
gogoaren erantzunak
eta eskuz egiten ditu gauza:
Tresneria jenero handia sortu du,
erakustokiz erakustoki banatu ditu,
sendagai eta eden* aurkitu ditu
eta anuntzio nabarmenez iragartzen du
atsedentoki, atsegintoki
eta lortu duen askotariko sorkuntza oro.
Eskabadora, pala eta gruak
erabili ditu
eta dorreak eraiki
eta martxan ipini
mila ta mila makina modu
mila lankizunetako fabrikaz eta tailerrez,
bidez eta etxebizitza bakoitzez.
Trailerrak gidatzen ditu
eta trenak eta abioiak.
Ke artean, hauts artean,
zarata artean dihardu
begi antsia handikoz
gizonak.
Hiria baino lehenagokoa da.
Dorre arteko kale meharrez,
etxamendi harratez*,
begiak larri daramatza;
antsia handiz
begi larriak.
Jakidenda, Banku, Taberna, Liburutegi,
Boutique, Kafetetxe, Zinema,
Klub, Hotel, Eliza,
Bitxitegi, Kiosko, Merkatu,
Gozotegi, Zilargindegi, Teatro,
zer ez du zeharkatzen duen kaletan?
lluntzetan arratsalde zikindua islatzen zaio gizonari
begi larrietan
eta anuntzio-argien bristadak.
Hauzotegi tzar elkarganatuak multzokatu ditu zelaietan,
ostilamendu eta paper bihurtu zituen zuhaitzak,
gernu eta azidoentzat errestali egin ditu hibaiak.
Egun askoren heriotza darama begizulotan gizonak
begiak hilduratzen. [II]
Larunbatetan hiriz kanpo irten nahi du
bizitza berritu liezaiokeen igande lasaiaren bila;
hiri-bizitza arazotsuaren larri-presiotatik irten
eta goiz ederra halako berpizkunde baten atsegina du
amorratzen.
Zelai beti berriak opa ditu eta betiko gaztetasuna.
Arbolak lasa liratekeen basadiak opa ditu eta atsedena.
Hibai berriro garbiak eta zoriontasun amaigabea.
Hiria baino lehenagokoa da.
Gogo asekaitzak darabil lorkizun berrien bila
eraiki dituen hormigoi eta kristalezko dorretan,
unibertsitateko gelatan,
hauzotegi tzar elkarganatutako edozein bizitzatan,
nonahiko txabolatan,
asmatu ezin duen, ala bereganatu ez duen guztiaren
ondoren,
dena beharrean, gehiago beharrean,
begi nekatuz astrapala* handiko bidez dihardu gizonak.
________________
Euskal idazleak^
El hombre lleva en sus hojeras la muerte de muchos días.
Quiere salir fuera de la ciudad los sábados
en busca del sosegado domingo que pudiera recharle la vida,
salir de las angusitosas presiones de la problemática vida urbana con el rabioso deseo
de un feliz revivir, como el de una hermosa mañana.
Ansía praderas siempre nuevas, y la eterna juventud,
grandes bosques o marismas de árboles espaciados, y el descanso.
Anhela ríos nuevamente limpios, y la felicidad sin fin.
________________
Euskal idazleak^
The man has the death of many days in his eye sockets
darkening his eyes.
On Saturdays he wants to leave the city
and seek a peaceful Sunday to renew his life,
and escape from the overwhelming pressure of problem-filled urban life
and he longs for the pleasure of a revival
like a beautiful morning.
And he constantliy yearns for new meadows and eternal youth.
He craves woods with trees spread out, and rest.
Rivers clean once again and unending happiness.
