Literatur idazlanak
ABG-1^
Nire naiaren jo-muga
dagoan aide leunean
dena da naiarizkoa.
Ba-dakust tokia ez dan [Nik ba-dakust toki ez dan]
edatura atsegin aura
antxen, gurariak sortu
ta iraupen aratz bat eman
oi daroatson goi artan;
ta ara-bidez noa alaiki.
Nire naiaren jo-muga
dagoan aide leunera
ez dakit zer joanaldi
legokean; baiņa pozik
noa aruntza aspaldi dala.
Ta aura ba-doa aurrera argi
ta illargi bat bezela jat
piņu arteko [arboladiko] kaltzadaz
gabaz etxera noala.
Nire naiaren jo-muga
yoran-lurrunezkoari
neuk damotsat izatea;
ta ari begira bizi naz
ta arek goratu naroa
ta ari zor naiako osoro (1)
ta aren ondoren noala
ba-daroat ongi artaz
atsegin zoragarri bat.
Nire naiaren jo-muga
dagoan naiariraiņo
iritxiko naz noizbaiten.
Ta atzerritikan igesi,
noiz eder aura atzemango,
pozarren noa igon-ala.
Altu, argi t'eder dago, (2)
ta illargi bat bezela jat
gabaz etxera noala.
