Literatur idazlanak
Arantza Milikuari^
Berde ta zabal galantki,
orein ta arrano, Oņati,
arkitektura askotarikoz
jaukal* eta jaiki;
historia latzez gaindik,
hain du gustoak eraiki,
begira eta goza dezagun
egina dirudi.
Kale bikain ta baserri
ugari eta ireki,
paraje berdin-gabea jantziz
zein dagon ederki;
jende prestuaren herri,
monumentu ta armarri,
berriztapenei bizkor emana
bizi da Oņati.
Lana lan eta jaia jai
asteko nekeen gozakai,
Oņati pozik kaleratzen da
apain eta alai;
Gorpuzti bai du nolanahi
aspalditiko festagai,
herriak hura ospatu ohi du
inondiko ernai.
Haur eta heldu batera
herrira zaizu atera
dena kolore, dena irudi,
kaleak aurrera.
Begirune ta jaiera,
Kustodiari harrera,
etxarte arraiz pipil Oņati
guztiz alegera.
Kofrade ta agintari,
txistulari ta dantzari,
plaza ta kalez prozesioa,
San Migel gidari.
Fede, folklore, opari,
pozaldiaren emari?
Bejon deiola Oņatiri ta
Gorpuzti jaiari.
Edertasunez handia,
Oņatik badu grazia,
herri ta jende jator ta landuz
oparo hazia;
bitxia ta irazia,
berebiziko habia,
zein yayoa den Korputzei [sic] lotzen
dion fantasia.
