Literatur idazlanak
L3G^
Agur, ongi etorri,
guztioi egunon;
poz bakar bera dugu
bihotzen zorion:
Pilar eta Roberto [I]
hemen dira igon
bizitzak elkartzeko
asmo ta uste on,
behingoz gerta daitezen
andre eta gizon.
Maitasunari diot
eskaintzen kantua,
hura da on guztien
iturri frankua;
harengandikan jaso
dugu talentua,
elkarren ganatzeko [sic]
dugun kontentua,
maitasunak ematen
digu zimendua.
Maitasunaren fruitu,
maitasun oinarri,
Pilar eta Roberto
elkarren egarri;
firme lotu dakion
bakoitza elkarri,
Sakramentua dute
hautatu lokarri
gertatuko al zaie
gozo ta ongarri.
Edizio kritikoa: Paulo Agirrebaltzategi
