Literatur idazlanak
L1G^
Aita Mendi nahiz Tio ere bai [I]
deitu ohi dugu gizona.
Munduan berriz ezaguna da
Pipaz izena duena.
orain esango dudan dohaia
kanpuan ez dakitena,
itxuren kontra kaikua dela
ta izugarrizko kirtena.
Matematikan maisu egina
natur-zientziz gainera,
llabe inglesa manejatzen du
komeni zaion aldera.
Buzomonua jantzitakoan
astronauteen [sic] antzera,
mutil bapua presentatzen da
Hospederiko bar-era. [II]
Radiotikan aritzen zaigu
berri emaile bikaina,
bere bitartez enteratzen da
zenbait notiziz Espaina.
Otorduetan ohi duen moduz
badarabila mingaina,
inguruetan banatuko du
makinatxo bat gaztaina.
Meterologo [sic] den aldetikan
badu aipurik merezi,
eguzki indarra eta euria
neurtutzen ditu ederki.
Haizearena berriz hor dabil
anemometroa gaizki,
haidekoa ta txapelpekoa
distingitutzen ez daki.
Asmatu zigun bere-errota,
"Mutiko" deitzen diogu, [III]
hasieratan esperantzazko
bere gozotan ginan gu.
Geroztik berriz hotzaren berri
ederki asko dakigu,
"Mutikoak" maiz mutikokeri
latzak egiten dizkigu.
Baina gizona ez da larritzen
ez hontan ta ez bestetan,
"tiorien" bat asmatutzen du,
ez du jarduten txantxetan:
Hotzik ez dela esistitutzen,
berorik eza baizikan:
sujestiotan girotzen gaitu
"Mutikoaren" faltetan.
Getariatik ekarria du
txakolina ta atuna,
zenbaitek bapo ospatuko du
Aita San Josen eguna.
Alferrik naiz ni txakolinaren
ta atuntxoaren laguna,
seguru asko ez dut izanen
probatutzeko fortuna.
