Literatur idazlanak
Hegats^
Otsailaren azkena da,
baina iluntze epela.
Txoriek ozen diote
ihardun beharra dutela.
Goiztxo udaberrirako,
lizarrak loran halere,
bizitzak erabaki du
mugitzea berriz ere.
Zozoek, birigarroek,
beste hainbat txorirekin,
airea dute pintatzen
beren kantu-zirristekin.
Gaualdeak udaberri
ukitu hezerik badu,
noizka datorren haizeak
erretura usaina du.
Edizio kritikoa: Paulo Agirrebaltzategi
