Literatur idazlanak
ELRL^
Arkaitz zuri zorrotzetan
Andra Birgiņa Maria.
Aren inguru argi ta jator
praille-talde kantaria.
Ben-benetako ames umautan [gozotan]
ikusi neban guztia:
Andra Maria, praille-taldea,
amesa eta egia.
Bost zauridun Prantziskoren (I)
seme, maitez zauritutakoak [maite-zaurituak]
arima-zale, gurutze-zale,
zeru-zale zoratuak,
Birgiņa Amari kantuan dagoz
su ta garrezko olatuak.
Klaustroan* zenbat bizitza dagon
ez daki asko munduak.
Fedea goizalde garbi,
itxaro, auspo gozoa.
Erein azia, praille langille,
zabaldu luze besoa.
Udabarria datorrenean,
loretsu ta betikoa,
neke-otoiak emongo dabe
atsegin-frutu naikoa.
Naigabea ez da miņa
itxarorik dagonean.
Fedea zein dan gozagarria
bizitzako erbestean!
Geroagaitik itxi dana ta
komenturatu zirean.
Kantari dagoz, geroko pozez,
oraingo arantz artean.
