Literatur idazlanak
ELRL^
Kementsu doaz praille gazteak,
Urbiko (I) zidor erripaz,
pagadi berde tartean gora
urdiñ-egarri biziaz.
"Osasungarri iat ibiltea
—diñoe kantu batean—
arimea argiaz garbituten iat
gaillur jagien ganean.
Giar-indarrak zuzpertzen iataz,
bular-unea nasaitu,
aize meetara noan artean
neke-garaitzen maixutu.
Eragozpenei aurre egitea
atsegin bat da niretzat,
nire gorputz au indartu daiten,
gogo au sendo daitentzat.
Bizitzak ditun neke gogorrak
goituten ikasiko dot,
mendi zidorra, gatx eta aldatzez
irakasletzat badaukot.
Banaroake Virgilik Dante
eroan eban antzera,
edertasuna bide dauala
Jainkoa ezagutzera.
Mendi ganean garbiagoa
nabaritzen dot barrua,
egatiago biotz-arimak,
eskuragoa zerua.
Mendi-bideak ate barri bat
edegi dagist zerurantz:
izadi zear zenbat Jaungoiko-
usain bolada ta erlantz!.
Eta kantari doaz prailleak,
Urbiko zidor erripaz,
pagadi berde tartean gora
urdin-egarri biziaz.
