Literatur idazlanak
ELRL^
Zoriontsua dozu lorea eguzkitan;
eguzkia goietan
lore zoriontsu.
Zoriontsua dozu goia urdiñetan eta
urdiña, itsas barnean, olgetan iabiltsu.
Jostalari iabiltsu arraintxua uretan
zidarra ta izoztela* batera bailitzan.
—Eresi-abesketan
ez doaz izadarrak*
itxasoa topetan:
—Eresi abesketan.
Salmu abesketan da [sic]
erregu kizkurretan
darraite uiol* gordiñak
itxasoa topetan.
Nok esan baiña zelan
Arantzazura noan
eta arkaitz arte goian
zein pozik bizi nazan.
Zoriontsua dozu lorea eguzkitan,
eguzkia goietan,
goiak urdiñetan da [sic]
urdiña itxas barneko geizpe bigunetan.
Zoriontsua dozu bakoitza erdi leku
dauanaren ondoan:
arraintxua itxasoan,
txoria basoan...
Baiñan ez neban uste
ain pozik neintekenik
bizi komentuan.
