Literatur idazlanak
ELRL^
Elorriko izar onak
izpiak bri ta bri,
gaztain-ondoko lakatz
elduak irudi.
Oi, izarraren brintza
argizkoen argi!
Ixtera ioian gaua
goizez dabe jantzi!
Izar-pozera txori,
bildots, aume ta ardi.
Diztira soiņeko ta
elorri bat aulki,
Jesus autxoarekin
Birjin Andra Mari
illuntzeko atsegin,
elorriko lili,
euskal-egubarri ta
euskal-epifani,
Baltzategi mutil
artzaiņak ikusi. (I)
Edizio kritikoa: Paulo Agirrebaltzategi
