Literatur idazlanak
DGA-1^
Ez du aldiak
gure errukirik.
Zerbait ganorazko
egin nahiz, gu;
ganorazkorik ezer
egin ezinez gu;
ez geldi, larri
gu; geure nahien,
geure asmakuntzen
mamitze hurbila
lortu-lorretan gu
hari gabeko ardatz
itsuan. Ez du
aldiak gure
errukirik. Badoa.
Ez da geratzen
Ez digu laguntzen
Ez itxaroten
Bertan behera gaitu
uzten, lan eta lan
lan laban aurrerapen
gabekoan, gero ta
atzerago gero ta
esperantza gutxiagoz
gero ta hutsago.
Edizio kritikoa: Paulo Agirrebaltzategi
