Literatur idazlanak
DGA-1^
Egurrok sutan
egur artetik
sua eta argia
ta kea urdin-zuri.
Apaltasunez (1)
igaro ohi ditut
oihanotako bideok
oihanok berok apaltasunez,
begirunez,
belarri ernaiz.
Pago zahar anportuek
ipuin eta pasadizo zaharrak
kontatu daramatzate,
batzu ikaragarriak,
hunkigarri eta samurrak bestetzu
haizeak galdetu ahala.
Antzinateko pasadizoz eta
kontakizunez dihardute
basook
inork oraindik papereratu ez dituen
kondaira eta legendak
bata bestearen ondoren kontatuz
haize belarri-luzeari.
Adar handiz
euren ingurutako bidezidorrak
erakusten dituzte basootako arbolek
uholdez aurretiko abere eta piztiz
ari direnetan.
Aspalditako hartzez, haizpetako lehoiz
orkatzez, basahuntzez ari direnetan
kobatzaz (2), nahiz harkaitz handietako
haien bizimodu ta bizimainaz
mintzo ohi zaizkizu.
Lehen gizonen parajeotako abenturekin
hasi eta geroko haien ihardun luze
eta neketsuz dihardutenetan, lera-bideak
eta gurdi zaharren lorratzok* apuntatzen
dizkizute, zeure begiok haietan ezar
ahal ditzazun.
________________
Z03^
Humildemente
suelo recorrer los caminos de estos bosques
estos mismos bosques humildemente,
con respeto,
con el oído atento.
