Literatur idazlanak
DGA-1^
Denek maite gaituzte:
Aingeruek, deabruek,
jainkoek.
Denek maite gaituzte
eta denek
nahi dute gure ona
guk geuk baino
hamaika aldiz gehiago.
Madrilek maite gaitu
eta Parisek
eta haietako jainko
eta jainkosek.
Denek maite gaituzte
hainbeste maitasunez
higuindu gaituzten arte
Ez hainbeste anaitasun,
ez hainbeste maitasun,
ez hainbeste maitasun
eta hainbeste
aingeru goardako
eta hainbeste zaintzaile
eta hainbeste babespe
Solte nahi dugu bizi
solte geure airera
solte geure lurrean
geure gogo solte ta
hezigaitzen pare.
Solte, solte, konde!
Edizio kritikoa: Paulo Agirrebaltzategi
