Literatur idazlanak
AOB>
Onegia ez dut
ta ez dut izan nahi;
ez ba onegia,
konprentsiboa bai.
Azkarrena ere
ez, ez dut izan nahi;
hurbil-erraza ta
laguntzailea bai.
Zerbitzu egile
ba, badut izan nahi;
ez hartzaile zeken,
esku-zabala bai.
Inbidiatsu ez,
ez nuke izan nahi;
inoren ongiaz
alaitzen dena bai.
Inor gutxietsi
ez dut inondik nahi;
denekiko uste
ona eduki bai.
Ez dut ipurterre
zitala izan nahi;
ez ernegu txarrik,
pazientzia bai.
Edizio kritikoa: Paulo Agirrebaltzategi
