Literatur idazlanak
AOB^
Egiazko gozotasun
gozotasun sakona,
kontentua falta zaigu,
poza ta alaitasuna.
Ez al dugu zuzpergarri
fedeak dioskuna?
Pazko eguzkirik gabe
zer da kristautasuna?
Askotan hain tristea da
eman ohi dugun antza:
argi gabeko profeta
gabiltz haruntz-honuntza,
segurtasunik gutxi ta
soberako zalantza.
Hala ere Berriona
dena da konfidantza.
Berrionaren berria
bozkario deia da,
salbamenaren albiste
gozoa ere bada;
Aitak maite gaituela?
Zeren esketan gara?
Gainezka behar genuke
pozaren antapara*.
Edizio kritikoa: Paulo Agirrebaltzategi
