Literatur idazlanak
ABG-1^
Kurtsoko [kursoko] nekearen ondoren
bakazioetako atsedenaldia.
Nekea handiagoa eta
gozoago atsedenaren saria.
Eseriko gara, etzango gara, luzatuko gara;
lasai hartuko dugu arnasa [harnasa]
eta berrituko gara eta indartuko
eta berriz jaikiko
bideari poz berri batez ekiteko.
Bidea dugu bizitzako arazo,
bideak lilura [lillura] du
eta iristea opa dugun muga eder haren
agindu ziurra [zihurra].
Ez dugu etsi nahi
aldaparen aurrean.
Ez dugu galdu nahi gogor saiatzen direnei bideak
eman ohi dien kanpeoien txapela [txapelik].
Ez dugu utzi nahi gizartearen onerako
osatuko gaituen biderik.
Bakazioek [bakazioak] damaiguten
atsedenez baliatuko gara [gera]
asmo duguna hobeto begiratzeko
eta adore berriz hornitzeko [ornitzeko],
estratega moldatsu bezala.
Bakazioen zelaiak
hiru hilabete ditu.
Badu hondartzarik [ondartzarik], erreka-ondo freskorik,
bizikletarik, fobal-tokirik [foil-tokirik],
gurasoen ondo gozorik,
anaia eta arrebenik,
lagun talderik,
eskurtsiorik. Badu
non [nun] eta nola entrenaturik
kurtso berrirako.
