Literatur idazlanak
ARAN^
"Kandelario lario
hatxari ura dario,
sagarrari musturio".
Kandelario, Otsailez,
Otsailaren bigarrenez,
neguan halabeharrez.
Elurpean da sarritan,
inoiz antzigar zuritan,
aldiz baita eguzkitan.
Kandelario hanka hotz,
negua dugu jada motz,
alegera hadi amillotx.
Dela ipar, dela hego,
kandela piztuak bero
Andre-Mari-Zuriero. [I]
Birjinaren garbikuntza,
haur Jesusen haurkezkuntza,
argi-jaiak badu funtsa.
Gar bizi eta garbia,
uztargi ta ostargia,
bistan daukagu argia.
Kandelen dizti alaitan,
Jaunaren aurkezpen jaitan,
poza poz bedi argitan.
Otsaila - 1986
Edizio kritikoa: Paulo Agirrebaltzategi
