Literatur idazlanak
UBMG^
Ikusten dut hiria.
Atseginez dut ikusten.
Miresten dut etxeen,
kaleen edertasuna.
Miresten dut hiriaren
edertasun handi eta askotarikoa.
Ohartzen dut etxekera
elkarrengandik bereiziz
nola den etxadia,
formen ugariz,
koloreenez,
ozka-koskenez,
ederragoa.
Ikusten dut hiria.
Aurreko etxeen ostetik
atzeko etxe garairen zenbait buru ageri da
ta haien ostetik etxe handiagoen gailurrak
ta atseginez dut ohartzen hiriaren luze-zabala
formen ugariz,
koloreenez,
ozka-koskenez
handikiro ta biziki dela ederra. (1)
Ikusten dut hiria.
Atseginez dut ikusten.
Miresten dut etxeen,
kaleen edertasuna.
Miresten dut hiriaren
edertasun irri
irristada
irrada
izeki andana. (2)
Gaia 1: Hiria
Edizio kritikoa: Paulo Agirrebaltzategi
