Literatur idazlanak
K89^
Jaun-andreok,
gazteok eta helduok,
nerabeok eta haurrok,
herritar jende lau eta zintzook:
Errealitate denabeharrekoari begirik itxi gabe
gutxitzat eta bajutzat jotzen gaituztela
kontutan izanik,
euskaldun jende beraren
euskararekiko lotsa lotsagarria gorabera,
handiki-mandiki erdara zaleei
bekokiak altu erakutsiz,
Kilometroak 89-ari hasiera ematera goaz.
Oņati eder, euskaldun eta harrera oneko
honetara etorri gara,
bere jaiak alaiki bizi dituen Oņati ospetsura,
bere jaietan jaikide nahi gaituen
Oņati zabal eta irekira etorri gara,
aintzinatetik gerora bidean
bere oparotasun handi guztia
zabal eta irekia eskaintzen digun
Oņatira.
Alde askotatik etorri gara,
nahi, gogo eta helburu berak eraginda;
euskarari baietz esatera etorri gara,
euskararen eskubidea aldarrikatzera etorri gara,
euskara etxean, kalean, ikastetxeetan,
merkataritzan, administraritzan, lantegietan,
gizarteko bizi-maila guztietan
erabili eta entzun eta landu nahi dugula oihukatzera,
irakaskuntza osoa euskaraz nahi dugula
zorrotz eskatu eta exigitzera,
horretaraxe etorri gara.
Errealitate denabeharrezkoari begirik itxi gabe,
gutxitzat eta bajutzat jotzen gaituztela
kontutan izanik
euskaldun jende beraren
euskararekiko lotsa lotsagarri gorabera,
handiki-mandiki erdara zaleei
bekokiak altu erakutsiz (1),
Oņatira etorri gara
euskararen aldeko kilometroak
jai-giroan, amets eta esperantza giroan,
adore eta baiezkortasun giroan,
hasi eta jarraitzeko asmo eta erabakiz;
kilometro guztiak baino harutzago,
etorkizun misteriotsuaren barrura bidean
Euskaraz gu, kilometroka
aurrera.
Gora Kilometroak 89!
Gora euskara! [I]
