Idazlanaren fitxa eta oharrak
Hasiera: Lotsatu ere egiten naiz aitortzen,
Amaiera: eskolaldiz eskolaldi.
Iturri nagusia: DGA, 29-30 (DGAZ, 22)
Idazte-urtea: 1981 (ik. azpian 'Ingurune-Oharrak': ik.)
Argitarapen-urtea: 1985 (DGA)
Gaia 1: Biografia
Gaia 2: Bizitza
Azpi-gaia: Bizitza: Esperientzia perts.
Dokumentu mota: Lib + Dakt
Poesia / Prosa: Prosa
Prosa-generoa: Gogoeta
Testu-oharrak:
DGAZ-ko eta DGA-ko testuen artean badaude aldaera ortografiko edo morfologikoren batzuk: apaiz ordena - apaiz-ordena, eskola arazoek - eskola-arazoek, zeramakitela-eta - zeramatela eta.
(1) DGAZ-ko testuan eskuz zuzendua zuen hitz hori, eta "arrakalatzen" jarria; baina inprimategian ez ziren nonbait konturatu zuzenketa horretaz, eta "arrokalatzen" idatzi zuten.
(2) GDAZ-ko makinazkoan "estuz" bakarrik dago idatzita, ez "estuaren estuz".
Ingurune-oharrak:
ik.: Idazki honek ez dakar datarik DGAZ-ko testuan, horko beste askok dakarten bezala. Kopiaren papera ere ezberdina da; dena dela, 1981ekoa dela uste izatekoa da, libururako idatzi zituen bestelako testu gehienak bezala.
[I] Ostegunetan izaten zuten garai hartan aste-barruko gai-eguna Arantzazuko seminarioko mutikoek. Eta orduan irakasle apaizak libre geratzen ziren nonbait apaiz-lanetarako.
[II] "Ujolen bolbola oroitaratzen" hasten den idatzian dio, bere apaiztu ondoko lehen aste santua gogoratuz, Azpeitiko Olatz auzoan emandakoa: "Elizatxoan ere izan naiz. An zegozan [sic] niren aurreneko apaiz-ikaraen berri dakian aitorlekua".
[III] Hildakoen meza horiek ez ziren hiletak, heriotzako urteburuko meza eta horrelakoak baino.
[IV] Horren aitorpena egin eta damua agertu, bere Egunkarian egina du Gandiagak.
