Idazlanaren fitxa eta oharrak
Hasiera: Gabon belarriz, Abenduz.
Amaiera: agertuz
Iturri nagusia: AOB: 1
Idazte-urtea: 1990 (AOB, makinazkoa)
Gaia 1: Gabonak
Dokumentu mota: Dakt + Esk
Poesia / Prosa: Poesia
Testu-oharrak:
Makinazko kopiaz gain, eskuzko hiru daude AOB-n: (A), (B) eta (C). Aurrena lehen zirriborroa da, eta horren azpian Jose Mari Satrustegiri zuzenduriko Gabon-agurraren zirriborroa dago. Honetan adierazten duenez, agindua zion olerkiren bat Satrustegiri -zertarako?-; Gabon-agurrarekin batera bidali zion seguruenik. Dena dela, lehen zirriborrotik (A) abiatuz, berriz idatzi zuen osorik olerkia (B), bigarren zirriborrotzat edo; eta horren gain ere aldaketaren batzuk egin zituen; eta berriro idatzi zuen osorik eskuz garbian (C); ondoren makinaz idatzi zuen. (C) kopiako testua eta makanazkoa berdinak dira. Hiru eskuzkoen artean, ordea, testu-aldaera askotxo dago. -Gainera (A) eta (B) bertsioetan ez dago ahapaldien bereizketarik; ondoren, berriz, lau ahapalditan banatu zuen olerkia-.
(1) (A) bertsioan "betiko Gabon" dago idatzita; (B) bertsioan "betiko" eta horren aldaera "ohizko" ezabatu, eta "ari naiz" utzi zuen: "ari naiz Gabon".
(2) Ez dago garbi kortxeteen artekoak, eskuzko idatziaren alboan idatzita dagoenak, beste lerro bat izan nahi duen ala pareko lerroaren aldaeratzat dagoen proposatuta.
(3) Azken lerroak honetara zeuden bertsio honetako lehen idazketan:
"zabal zabalik Jaungoikoaren
gureganako amodioa
Gabonez baino Gabonez
gertuagotuz."
(4) Bertsio honetako testuaren azpian, beherago, bestelako lerro hauek daude iradokita, non sartzekoak diren adierazi gabe: "hurbiltzeari jarraituz"; "gizaldietan barrenduz, / beti ari da gertatuz". Azken bi lerro hauek gero (C) bertsioan sartuko zituen, bigarren ahapaldian.
(5) Hasieran "oraintxetasun bihurtuz" idatzi zuen; gero, "gauzatuz" aditza jartzean, ahaztu egin ote zitzaion "oraintxetasuna" idaztea, "a" eta guzti? Ondorengo bertsioetan berriro "oraintxetasun bihurtuz" idatzi zuen.
(6) Horrelaxe, azken punturik gabe, dago idatzita testua bertsio honetan; eta berehala azpian hasten da Satrustegirentzako Gabon agurra: "Lotsa ere banaiz".
