Idazlanaren fitxa eta oharrak
Hasiera: Ez dakit zergatik, baina gaur
Amaiera: jokera minduan erosta jotzen.
Iturri nagusia: AOB: 1
Beste iturria(k): KUR, 11-12
Idazte-urtea: 2000-it (KUR)
Gaia 1: Bizitza
Azpi-gaia: Bizitza: Elkartasuna
Dokumentu mota: Esk
Poesia / Prosa: Poesia
Hiztegia:
* sakaildu = triskatu, birrindu
Testu-oharrak:
Testu honen bi aldaera ditugu, biak eskuzkoak, baina oso alde txikia dago bien artean: hitzen bat edo besterena bakarrik; eta ez adierazgarririk. Bi testuetako aldaeratxoak azpimarratu egin ditugu. Hona hemen KUR-koa:
"Ez dakit zergatik, baina gaur, neure izenean ez, baina zeuonean ari naiz. Harritzekoa da baina azken baten ez gara gauza bat bera baino gizaki guztiok. Neure kexua nahi nuen neure erosta propioa bezala jaulki, eta horra aingerua etorri eta esan dit: Zer ari haiz hire egoera mingarri hori eurea bakarrik balitzok bezala azaldu asmoz, egoera berean eta are mingarriagoan aurkitzen diren milakak ixilduz, haien saminari ahotsa ostuz, haien [sic, haiei?] dagokien ahotsa euretzat erabiliz bakarrik? Eta ikusi zaituztet goserik, gaisorik, zapaldurik, espetxeraturik, torturaturik, eta beste mila modutako gaitz oso gaiztoz sakaildurik*; onartzen ez zaituztelarik, haintzat hartzen ez zaituztelarik, gorrotatzen, laidotzen, arbuiatzen zaituztelarik, tristura gainditu ezinik, bihotzik altxa ezinik, argirik gabe, lurjota, gogaiturik eta oka, eta lotsatu egin naiz kexatzen, lotsatu egin naiz jotzera nindoan erosta jotzen."
KUR-ko testua lehenagokoa da seguruenik. Zertarako kopiatu zuen berriz eskuz aparteko paperean (AOB-koan)? Agian bileraren batean erabiltzeko.
