Idazlanaren fitxa eta oharrak
Hasiera: Aizkorriren magalean,
Amaiera: lirain eta otoitz-zale.
Titulua/Ezkaintza: Urbiako baseliza / La ermita de Urbia
Iturri nagusia: ARAN, 799 (1999) 18. or.
Beste iturria(k): AOB: 1
Idazte-urtea: 1990-1999 (ik. azpian 'Ingurune-Oharrak': ik.)
Argitarapen-urtea: 1999 (ARAN)
Gaia 1: Arantzazu
Gaia 2: Andre Maria
Azpi-gaia: Arantzazu: Urbia
Dokumentu mota: Inpr + Dakt
Poesia / Prosa: Poesia
Itzulpen-hizkuntza: Gaztelania
Itzultzailea: Bitoriano Gandiaga (Bai?)
Sinadura: Gandiaga
Testu-oharrak:
ARAN aldizkariko testu inprimatuaz gain, makinazko kopia daukagu (AOB), gaztelaniazko itzulpen eta guzti. Euskarazko testua berdina da bietan, azken lerroa izan ezik.
Olerki honen jatorrizkoa, ordea, bi zatitan daukagu, eskuz idatzia AOB: batetik lehen hiru ahapaldiak —”Paraje paregabean” hasten da—, eta azken biak, bestetik —”Egun gris edo ta klaruz”—. Badirudi bi olerki izan zirela hasieran, bakoitzak bere gurutzetxoa baitarama gainean, eta bi paperetan daude. Hala ere, aldi berean idatzi zituen biak eta Din-A-4 tamainako orrian, bitan zatituan.
(1) Eskuzko jatorrizkoan ”ermita Urbiakoa” darabil beti, “Urbiako baseliza” formaren ordez. Bestalde, lerroen ordena ez da berdina. Honetara dago:
“Paraje paregabean,
Aizkorriren magalean,
haitz eta zelai artean,
ermita Urbiakoa
otoitz-aire ederrean.”
(2) AOB-ko eskuzkoan: “beti lirain, beti bare”; AOB-ko makinazkoan: “lirain beti, beti erne.”
(3) 1999. urtean atera zuten postal diptikoan Gandiagaren olerki hau euskaraz eta gaztelaniaz. Azken lerroa honetara dago, diptikoan: “atrayente y amiga de la oración.”
Ingurune-oharrak:
ik.: Uste izatekoa da, olerki hau, bere osoan, Urbiako ermita edo “baseliza” inauguratu zuteneko 75. urteurrenerako idatzi zuela Gandiagak. 1999ko irailaren 28an izan zen hori. Ospakizunari buruz Julian Letonak Arantzazu aldizkarian idatzi zuen artikuluaren barruan dago sartuta honako olerki hau. Baina honen jatorrizko eskuzkoa —bere bi zatitan— 1990kotzat jo dugu. Horregatik 1990-1999 urte-tartea esleitu diogu. Agian olerki batean batu zituen 1999an lehenago idatzitako bi zatiak.
Julen Urkizak ez du olerki honen erreferentzia jaso bere EBOB liburuan; seguruenik artean argitaratu gabe zegoelako.
