Idazlanaren fitxa eta oharrak
Hasiera: Zorionak, klaro.
Amaiera: Zorionak!
Titulua/Ezkaintza: Zorionak
Iturri nagusia: AOB: 6
Beste iturria(k): MRN: 5
Gaia 1: Gabonak
Dokumentu mota: Esk + Dakt
Poesia / Prosa: Prosa\Poesia
Sinadura: Bitoriano Gandiaga
Testu-oharrak:
AOB-n eskuzko eta makinazko testuak ditugu, eta berdinak dira, hitzen bat gorabehera. MRN-koa, berriz, AOB-ko makinazkoa bera da, baina testu-aldaketatxoren bat eta inprimatzeko oharren bat edo beste gaineratu zuen eskuz hor.
Dena dela, makinazkoetan dagoen azken paragrafoa, olerkien ondorengoa, ez da hasieran testu honen parte zenik, itxuraz, eskuzkoan ez baitago. Eta aparteko orrialde batean ere aurkitu dugu makinaz idatzita. Hitzaldiaren konklusiotzat idatzi ote zuen ala Gabon-agur apartekoa ote zen, gero hitzaldiaren konklusiotzat erabili zuena. Dena dela, datu-basean aparteko sarrera eman diogu testu horri, Gabon-agurren artean sailkatuta.
(1) "orduan ere izaten zen bai, ahal bazen" idatzi zuen eskuz azken esaldi hori MRN-ko testuan.
(2) Makinazko kopietan “Txanpa ta burgeskeria” dago idatzita, baina GDA-ko jatorrizkoan “eta” dago idatzita, eta horrela dago jasota hemengo dokumentu honen eskuzko testuan ere. Kopiaketa-okerra da zalantzarik gabe makinazko bertsiokoa; zeren eta MRN-ko testuan zuzendu egin baitzuen, eskuz, “eta” idatziz.
Ingurune-oharrak:
Testu honek hitzaldiaren itxura dauka, baina ez dakigu ez noizkoa den —zalantzarik gabe "Gabon dut anuntzio" liburua argitaratu ondokoa da, 1986— eta ez non emana den ere. Dena dela, "Neguan —familian—" hasten den testuarekin ez du zer ikusirik, nahiz eta azken honek ere Gabonei buruzko hitzaldiren baterako eskema dirudien.
[I] Olerki zati hauetatik aurrena "Eta gabonak, eta Gabonak" hasten den olerkitik jasota dago; bigarrena, "Hi, bertsolari, konta ezaiguk" olerkitik; azken biak "Gabon dut anuntzio" olerkitik daude jasota.
