Idazlanaren fitxa eta oharrak
Hasiera: Zuriak, zurizko zuritan
Amaiera: txirita-txiribi garaian.
Titulua/Ezkaintza: Zuriak [Olerti + ABGZ]
Iturri nagusia: ABG, 54-55 (ABGZ, 20)
Beste iturria(k): Olerti (1968 I-II - Urtarrila-Ekaina) 25-26 or. + LSA, 20-21 + LSE, 28-29)
Idazte-urtea: 1964-it (LSA)
Argitarapen-urtea: 1968 (Olerti)
Gaia 1: Izadia
Gaia 2: Familia
Dokumentu mota: Lib + Inpr + Dakt
Poesia / Prosa: Poesia
Errezitazioa: Bitoriano Gandiaga (BGE)
Sinadura: B. Gandiaga (Olerti)
Hiztegia:
* zii = ihi
Testu-oharrak:
ABG, ABGZ eta Olerti-ko testuak berdinak dira; LSA eta LSE-koak ere berdintsuak dira, aldaera ortografiko txikiren batzuk kenduta, kortxeteen artean ipini ditugunak:
(1) Izatez, "barraian" dago idatzita LSA-n eta LSE-n; baina uste izatekoa da, kopiaketa-okerra dela. Bietan?
(2) Olerti-n honetara daude lerro hau eta aurrekoa: "karaka" —kantuen argia / —ta aidean, madari-ondoko"; LSA-n eta LSE-n, berriz, honetara: "karaka" kantuen argia / —ta aidean—, madari-ondoko"...
(3) LSA-n makinaz Orbelaun, Gandiagaren baserriaren izena, zegoen idatzita; bertan aldatu zuen hori eskuz. Orbelaun-en silabak atzekoz aurrera jarriz gutxi gorabehera, izen berria sortu zuen: Launbeor. Beharbada lehiaketarako poemaren autorearen identifikazio arriskua uxatzeagatik aldatu zuen, zeren eta bestela ez zuen inoiz erabili bere baserriaren izenaren forma hori.
Iruzkina:
"Zuriak, zurizko zuritan". "Pentsatzen hasiz gero etxe pobrea zen, ba, Orbelaun, hemen Launbeor diodana. Baina zer gauza! Zer akordu argi eta ederrak Orbelaungoak. Etxe aurreko hariztia ikusten dut lehen eguzkiak argitua eta zeharkatua. Atarteko atea oroitzen dut kanpotik barrura eguzkiak urrezko tronpetaz janzten zuenean, eta amarekin gomutatzen naiz altzoan arto garauak zeramatzala oiloei deika, purraka.” (Bitoriano Gandiaga, ABG, 29).
