Bitoriano Gandiaga

Edizio kritikoaren iturriak: OAR

Autorea: Gandiaga, Bitoriano

Iturriaren izena: Orbelaundik Arantzazura

Argitalpen-datuak: Daktilografiaturiko eta eskuzko bilduma, 61~orri

Iturriaren urtea: 1981-1982

Orrialde-kopurua: 61~orri

Dokumentu mota: Makinaz/Eskuz

Sailkapena-1: 3.1. Bilduma

Sailkapena-2: 3.1 Liburugaia-G

Kanpo-deskripzioa: Karpeta eraztunduna, folio tamainakoa, marroia. Autoreak berak eratu zuen eta horrelaxe utzi, aparteko liburu bezala argitaratzera bidaltzeko asmotan nonbait. Horko hasierako artikuluari honako titulua eman zion: "Orbelaundik Arantzazura". Ondoren badator orri bat, atari gisa jarria eta honako titulua dakarrena: "Akordu maiteak". Badirudi autoreak aurrena nahi zuela liburuaren titulutzat; eta bigarrena izan zitekeen liburuaren lehen atalaren titulua. Testu gehienak daktilografituta daude, DIN-1-4 tamaianako orritan; zorri bat orri, koartila tamainakoak eskuz idatzita daude; 31 orrialde, folio tamainakok, eskuz idatzita daude, doinu eta guzti -hauek denak aparte plastikozko zorroan daude sartuta-. .

Edukia: Izatez, material ezberdinak daude: I. Eskema orokorra. Eskuz idatzitako 3 koartiletan (DinA-5 formatokoetan, 5. orrialde); liburu osoaren eskema modukoa. II. Sarrera: "Obelaundik Arantzazura". Autobiografiaren modukoa; bi testutan dago: 1. Zirriborroa: (10 orrialde, DinA-5, eskuz. 2. Erredakzioa. Aurretik eskuz zirriborraturiko gaiaren erredakzioa, makinaz idatzita (folio tamainako orrietan, 5 orrialde + 3bis). Artikulu honen aurrean badago beste orrialde bat, Joxe Azurmendik eskuz idatzia, non zenbait ohar egiten baitizkio artikuluari buruz. -Zirriborroko orrialdeetan ere badaude Azurmendiren oharren batzuk-. III. Gorputza-M: "Akordu maiteak". "Akordu maiteak" tituluarekin, makinaz txukun idatzita hainbat orrialde (6-29 or.): bertso-saioak, bere bizitzako gertakarien inguruan idatziak edota hainbat laguni dedikaturikoak. Horiek denak lehendik idatziak zeuzkan, eta Liburuko Gandiaga izeneko hiru bildumetan "argitaratuak" (L1G, L2G eta L3G). Hemen, ordea, eta bertso horien testuingurua argitze aldera, hainbat testu idatzi zituen prosaz (Bere Araozko apaiz arduradun izan zeneko esperientziari buruz, Arantzazu ikastetxeari buruz, etab. IV. Gorputza-E (31 orri). Harrigarria bada ere, bertso gehienak eta prosazko testuak eskuz txukun idatzita karpeta berean daude -horien kopiak besterik ez dira makinazko testuak-; bertsoak ere berriz eskuz idatzi zituen, nahiz eta lehendik argitaratuta egon eta oro har berdin geratu; batzutan aldaketaren batzuk sartu zituen, ordea. Eskuzko testuetan, hainbat bertso musika eta guzti daude, pentagrametan idatzita, itxura guztiz Gandiagak berak idatzita, testu eta musika.

Datazioa: Bildumako yestuetan, aurretik argitaraturikoetan, 1980koa da azkena. Bestalde hor jasotako Liburuko Gandiaga bildumetako L1G (1980) eta L2G (1981-XII) bildumetakoak dira -L3Gkorik (1986) ez dago-. Uste izatekoa da, 1981ekoa edo 1982koa izan daitekeela honako liburugai hau.

Lekukotasunak: Honelako testua dago "Orbelaundik Arantzazura" izeneko artikuluaren gainaldean, ohar moduan jarrita: "Idazti hau ez duzu liburu. Bilduma duzu altuenean. Apunte batzuen, poesia izan zitezkeen hainbat bozetoren eta zenbait hospakuntzatarako idatzi izan ditudan bertsoen zirriborro bilduma". Horra, beraz, liburuaren asmoaren eta bertako materialen berri emanda.

Bestelako oharrak: "Orbelaundik Arantzazura" testu autobiografikoaren, ia osoaren, beste kopia bat ere egin zuen, oso txukun eta kaligrafoaren antzez idatzia -Gandiagaren aparteko testuen karpetan dago sartuta hori- . Testu horrek bere historia berezia du nonbait. Eibarko lagun damaskinatu-zaleren batzuk proiektua erabili zuten, libururen bat argitaratzekoa; eta, haiek eskatuta idatzi zuen Gandiagak, eta gainera kaligrafia ederrezko kopia hori egin zuen.

Edizio kritikoa: Paulo Agirrebaltzategi
Gipuzkoa.net-aren logoa