Literatur idazlanak
GRZ^
Eguneroko ofizioa
Gorespenak
Argi guztia du goizak,
pozez gainezka, dirdari,
zeruarentzat opari;
gorespen-kantu hau hala
opa diot Jainkoari.
Eguzkiaren Jaun eta
bizitzaren sortarazle,
izarren sorreran zaude;
gora Zu zeru-lurretan,
kosmosaren aldez alde.
Goratua Zu lurraren
eta_uraren mugaz muga,
goratua Zu nongura,
airearen ta suaren
eredu ta apaindura.
Aita San Frantziskorekin
goresten zaitut gauzetan,
bizidun-bizigabeetan;
on eta ongarri dira,
maitagarriak benetan.
Zuri aintza Jainko bakar,
Hirutasun zuri aintza,
ederra da zure egintza;
izadi guztian zehar
ezti zatzaizkigu mintza.
Amen.
Gaia 1: Gorazarrea
Edizio kritikoa: Paulo Agirrebaltzategi
