Literatur idazlanak
GRZ^
Maiatzak 18
Cantalicioko San Felix
II. Bezperak
Felix, odola zainetan pilpil,
Asiskoaren bideetan.
Kristori oso eman zenion
bizia maite-garretan.
Alaitasunez, gozotasunez,
zeregin apalenetan,
Jesus onaren irudi zara
jendearen begietan.
Zure bihotza erne bizi da
Gurutzeari begira;
gau eta egun otoitz-giroan
gogoetatsu ari da.
Gizon gozoa, zure ardura
gaixo ta txiroak dira;
guztia zara irribarrea,
maitasuna ta gupida.
Felix dohatsu, eredu eder,
geure senide baitzara,
iguzu zeure espiritua
anai-arrebon baitara.
Gizadiaren sufrimen latzek
gaitzatela hotzikara,
bizi gaitezen premiadunen (1)
gaitz eta beharretara.
Aintza zeru ta lurren Egile (2)
Aita guztiahaldunari
ta Jesu Kristo Aitaren Seme
hil eta berpiztuari,
aintza Aitaren ta Semearen
Espiritu gurenari,
santugarri den dohain ta fruitu
ororen jatorriari.
Amen.
