Bitoriano Gandiaga

Literatur idazlanak

GRZ^

Maiatzak 18

Cantalicioko San Felix
I. Gorespenak

Felix, eskale-zakuz,
atez ate doa,
eskatuz Jainkoarren (1)
anaientzakoa.
Hartzaile da, ta_emaile:
truke oparoa;
jainko-hitzez ordaindu
ohi du otondoa. (2)

Gizon Jainkoz betea,
apala, mantsoa,
Berri ona du mezu
maite betikoa. (3)
Ereile zintzoaren
ikasle zintzoa,
oparo du hedatzen
onbide gozoa.

Felixek iritsi du
goi-jakinduria,
Biblia santua du
maisu gidaria,
otoitza ta_hausnarketa
jakin-iturria,
espiritu-bizitza (4)
jainko-emaria.

Ospe ta aintza beti
Kristo anaiari:
zenbat agertu dion
jende xumeari!
Harroei ukatua (5)
eman dio hari:
Jainkoaren helburu
ezkutuen berri.

Maitasun hutsa dugun
Aita Jainkoari
esker ona deiogun
agertu kantari:
Semeari bai eta
Espirituari,
gorespen Hirutasun
guztiz santuari.

Amen.

Gaia 1: Gorazarrea
Edizio kritikoa: Paulo Agirrebaltzategi
Gipuzkoa.net-aren logoa