Bitoriano Gandiaga

Idazlanaren fitxa eta oharrak

Hasiera: Este ya viejo poema

Amaiera: Gracias!

Iturri nagusia: AOB: 4

Idazte-urtea: 1989- X (AOB) (ik. azpian 'Ingurune-Oharrak': ik.)

Gaia 1: Euskara

Dokumentu mota: Dakt

Poesia / Prosa: Prosa

Prosa-generoa: Hitzaldia

Testu-oharrak:
Gandiagaren hitzaldia eta horrekin batera, hitzaldiaren abiapuntutzat hartzen duen Xabier Leteren poema dago testu honetan. Makinaz idatzitako bi kopiatan iritsi zaigu testu hau. Lehen erredakzioaren gain hainbat aldaketa erredakziozko egin zion eskuz besteren batek, eta bere aldetik ere edukizko aldaketaren batzuk sartu zituen; eta testuaren azkenean honako hau idatzi zuen Gandiagak bere eskuz –zuzentzailearentzat?–: “Ahal baduzu garbian jar”. Garbian idatzi zuenak –edota Gandiagak berak– egindako zuzenketak sartu zituen erredakzio berrian, baina baita besteren batzuk ere. .
Bestalde, lehen erredakzioan Leteren poemaren bigarren zatia bakarrik dago, hitzaldiaren testuaren azkenean -horren gain ere badaude zuzenketa ugari samar, eskuz egindakoak-. Eta azpian honela idatzi zuen Gandiagak, eskuz: "Texto hau Euskara lantzen 1.etik itzuli dut. 205. orrialdean duzu euskaraz". Bigarren erredakzioan olerki osoa jarri zuen hitzaldiaren aurrean, lehen orrialdean, eta bigarren partea berriro idatzi zuen, zuzenduta, hitzaldiaren azkenean. Hemen bigarren erredakzioa hartu dugu, dagoen bezala. Baina Leteren olerki osoa hitzaldiaren azkenean jarri dugu, azkenean bakarrik. Lehen erredakzioa, nahi duenak ikus dezake AOB-n, baina hemen ez ditugu jaso horko aldaerak eta aldaketak.

Ingurune-oharrak:
ik.: 1989an Kilometroak jaialdia egin zuten Ońatin, urriaren lehen igandean; hura girotzeko emandako hitzaldia izan ote daiteke? —Ekitaldi horren hasierako "pregoian" hitzaldi honetako ideiak jaulki zituen (ik. "Jaun-andreok" hasten den testua)—. Dena dela, Ońatiko Udaleko Euskara Zerbitzuak antolatu zuen hitzaldia, euskararen familiako transmisioa bultzatzeko asmoz.

Edizio kritikoa: Paulo Agirrebaltzategi
Gipuzkoa.net-aren logoa