Idazlanaren fitxa eta oharrak
Hasiera: Arima santu bat lez goiratu egoan
Amaiera: alantxik diraukezu nire biotzean.
Titulua/Ezkaintza: Eliz zarreko kanpaiak
Iturri nagusia: ELR-1, 214-216 or. (ELR-2, 186. zenb., 254-255 or.)
Beste iturria(k): ELRL, 135-136 or. + ELRP, 128-130 or. (gaztelania) + NBA, 32
Idazte-urtea: 1951-1955-it (ELRL)
Argitarapen-urtea: 1962 (Elorri)
Gaia 1: Arantzazu
Azpi-gaia: Arantzazu: eliza
Dokumentu mota: Lib + Dakt
Poesia / Prosa: Poesia
Itzulpen-hizkuntza: Gaztelania
Itzultzailea: Pedro de Anasagasti
Hiztegia:
* Oilarite = oilarrak jotzen duen ordua, goiz-sentia (ik. ELR-2, 269. or.).
* Albandeiko = albako ezikal, egunsentiko kanpandeia (ik. ELR-2, 265. or.).
* Arzuri = hartzuria (alabastro) (ik. ELR-2, 265. or.).
* troka = mendiarroa (ik. ELR, 270. or.).
Testu-oharrak:
Olerki honen lehen aldaeratzat hartzekoa da Excelsior (EXC) aldizkariko 11. zenbakian argitaraturikoa, eta “Santu baten anima legez gora egoan“ hasten dena.
ELRL-n olerkiaren hasieran eskuz dago idatzita, titulu moduan edo: “Eliz zarreko kanpaiak”.
ELR-ko bertsioa eta ELRL-koa neurri batez olerki berbera dira, baina argitaratuan aldaketa asko dago, bestearekiko; gainera ahapaldi batzuk kenduak eta beste batzuk erantsiak ere bai. ELR-koaren azpian osorik eman nahi izan dugu ELRL-koa ere, biak alderatu ahal izateko. Autoreak berak azken testu honen gain ezkuz idatzitako aldaerak kortxeteen artean eman ditugu.
Ingurune-oharrak:
[1] Badugu hemen arazo kronologiko txikitxoa. Gandiaga 1951ko abuztuan edo irailean joan zen Erriberritik Arantzazura, Teologiako ikasketak egitera. Hemen aipatzen digu Pazko bigarrena 1952koa izango litzateke, beraz. Baina ordurako Arantzazuko dorrea eraitsita zegoen, lehenagotik. Hala ere, badirudi bere begiz eta gertutik ikusi zuela eraiste hori: "gaur".
[II] Kurtzebarri: Aretxabaleta gainean dagoen tontorra, Arantzazutik ondo begiztatzen dena. Haren atzealdean ezkutatzen da iluntzetan eguzkia, Arantzazutik begiratuta.
[III] Eliza zaharreko hondakinak Arantzazu bertako troka edo arrora bota zituzten.
[IV] Ahapaldi hau jaso zuen Gontzal Mendibilek bere Memorian CDan, liburuskaren erdian, kredioten orrialdearen gainaldean.
