Bitoriano Gandiaga

Edizio kritikoaren iturriak: GAX

Autorea: Gandiaga, Bitoriano

Iturriaren izena: Gaxondoa / Convalecencia

Argitalpen-datuak: Sorta daktilografiatua, 20+20 orri

Iturriaren urtea: 1996

Orrialde-kopurua: 40 orri

Testu-kopurua: 40

Dokumentu mota: Daktilografiatua

Sailkapena-1: 3..4.1. Sorta

Sailkapena-2: 3.2. Bilduma-G

Kanpo-deskripzioa: Paper solteen sorta: 20 x 17 cm-ko tamaina dute orriek. Izatez, biko sorta da, bakoitza 20 orrialdekoa, baina batean hartzek; makinaz daude txukun idatzita testuak, alde bakarretik. Orrialde banatan hasten dira horiek.

Edukia: Lehen atalean, "Gaxondoa" izenekoan, 18 olerki daude euskaraz idatzita; bigarrenean, "Convalecencia" izenekoan, horien gaztelaniazko itzulpenak daude, zalantzarik gabe, autoreak berak eginak.

Gaiak: Gaiaren aldetik sorta monografikoa da, tituluak berak adierazten duenez.

Datazioa: Sortako 15. olerkiak, "Urteetan bai" hasten denak, 1995ean idatzita dagoela adierazten du argi; 16.ak, zehazkiago, ekaina dela dio. Zurgai aldizkarian uztaileko alean atera zituztenez olerki hauek, argi dago, beranduenik aurreko urtean idatzi zituela Gandiagak. Beraz, 15. olerkia bezala, beste denak ere 1995ekoak direla uste izatekoa da.

Bestelako oharrak: Badirudi, Zurgai aldizkarira bidalitako originala dela sorta hau, zeren eta poema horiek denak aldizkariak argitaratu baitzituen, itzulpen eta guzti (1996ko uztaileko zenbakian). Horietako bat edo beste Denbora (DMB) izeneko liburuxkan argitaratu zituzten; gainera Bizitza itxaropen delako (BIG) liburuan ere sartu zituzten horietako asko.

Edizio kritikoa: Paulo Agirrebaltzategi
Gipuzkoa.net-aren logoa